Bestel nou vooruit!
Ons is baie opgewonde om die nuwe kinderboekreeks van sewe boekies bekend te stel.
Wollie se Stories is gebaseer op gelykenisse en verhale uit die Bybel waar skape as simbole gebruik word om ons verhouding met Jesus, ons Goeie Herder, uit te beeld. Die stories word vertel deur Wollie wat self ʼn skaapkarakter is en wat kinders meer leer oor Jesus wat ons Goeie Herder is. Hierdie eerste storie vorm deel van sewe stories wat die leser Bybelse waarhede leer deur stelselmatig die karakter van God en sy liefde vir ons te leer en dat Hy deur die eeue heen ʼn pad met die mens gestap het en dit nog steeds doen. Kom luister saam na Wollie se stories vir kinders van die ouderdom 3 tot 9.​
​Storie Een: Waar's My Lammertjie?
In Waar's My Lammertjie? leer ons vir Wollie die storieverteller ken. Ons ontmoet vir Soekie, haar ma en Gawe Herder. Soekie raak weg toe 'n woeste storm opsteek. Sal iemand haar kom red? Soekie kry ook haar naam in hierdie boekie... en sy leer dat Gawe Herder elke skapie op sy naam ken en roep.